ვაჟა-ფშაველას გამზირზე, სამედიცინო უნივერსიტეტთან ახლოს რამდენიმე წუთის წინ ავტოსაგზაო შემთხვევა მოხდა: ფოტოები ექსკლუზიურად "აფხაზეთის ხმას" თვითმხილველმა მიაწოდა - ავარიის შედეგად ორი ახალგაზრდა მძიმედ დაშავდა, ისინი კლინიკაში გადაიყვანეს.
"ბმვ"-ს მარკის ავტომანქანის მძღოლმა, რომელიც ვაჟა-ფშაველას გამზირზე გადაჭარბებული სიჩქარით მოძრაობდა, მართვა დაკარგა, ბორდიურზე ავარდა და ამოტრიალდა. თვითმხილველების თქმით, მანქანა რამდენჯერმე გადატრიალდა. შემთხვევის ადგილზე მაშველების მისვლამდე დაშავებული მძღოლისა და მგზავრის მანქანიდან გადმოყვანა ვერ ხერხდებოდა, ორივე მძიმედ დაშავებული ახალგაზრდა მამაკაცი მაშველებმა გადმოიყვანეს და სასწარფო დახმარების ბრიგადამ კლინიკაში გადაიყვანა.
