სანამ გიორგი ვარდოსანიძისა და სალომე ჭაჭუას გახმაურებული სიყვარული ოჯახის შექმნით დაგვირგვინდებოდა, წყვილს ცალ-ცალკე სასიყვარულო ურთიერთობა ჰქონდა, რომელიც საზოგადოებისთვის დამალული არ ყოფილა. გიგი გაჩეჩილაძისა და სალომეს ''ლავსთორის'' შეხსენება ალბათ არ გჭირდებათ, რადგან ამ თემაზე სტატიები დღესაც იწერება.
გიორგი ვარდოსანიძის ექსსიყვარული თამთა შალამბერიძე კი, შეიძლება ითქვას, პრესისთვის მიუწვდომელია, უარს აცხადებს ინტერვიუებსა და კომენტარებზეც კი, თუმცა ბუკლეს მის ცხოვრებაში განვითარებული მნიშვნელოვანი სიახლე უყურადღებოდ მაინც არ დარჩენია.
მათ, ვისაც არ ახსოვს გიორგისა და თამთას სიყვარულის ამბავი, მოკლედ გეტყვით, რომ წყვილი ერთმანეთთან ფილმმა ''ოცნების ქალაქი'' დააკავშირა, რომელშიც არც ერთი თამაშობს და არც მეორე, გადაღებაზე ორივე დამოუკიდებლად, თავ-თავიანთ მეგობრებთან იყვნენ მისულები, მაგრამ გიორგის მომხიბვლელი, თუმცა უცნობი გოგონა უყურადღებოდ არ დარჩენია.
''პირველი დანახვისთანავე მოვიხიბლე კი არა, ''გავჭედე'', იქ უამრავი მოდელი, ლამაზი გოგო ტრიალებდა, მაგრამ თამთა რომ დავინახე, გარშემო ყველა და ყველაფერი წაიშალა, გადავირიე'', - ასე ჰყვებოდა თამთაზე ''ყურებამდე'' შეყვარებული გიორგი საყვარელი ქალის გაცნობის ამბავს ერთ-ერთ ინტერვიუში. თამთა იმ პერიოდში თეატრალურ ინსტიტუტში სწავლობდა, კარგადაც მღერის, პროექტ ''ნუცას სკოლაშიც'' მონაწილეობდა, ასევე თამაშობდა სერიალში ''გოგონა გარეუბნიდან''.
როგორც ყოველთვის, მაშინაც გიორგი პრესასთან პირად ცხოვრებაზე ღიად საუბრობდა და აღნიშნავდა, რომ თამთასთან ბედნიერი იყო. წყვილის ურთიერთობა დაახლოებით 3 წელიწადს გაგრძელდა... მართალია, სალომე ჭაჭუაცა და გიორგი ვარდოსანიძეც ერთხმად ამტკიცებენ, რომ შეყვარებულებს ერთმანეთის გამო არ დაშორებიან და მიზეზი რეალურად სულ სხვა რამ იყო, მაგრამ ''ცეკვავენ ვარსკვლავების'' მეორე სეზონის დასრულების შემდეგ ძალიან მალე გიორგიმ განაცხადა, რომ მისი, როგორც შეყვარებულის სტატუსი შეიცვალა, რაც იმას ნიშნავდა, რომ თამთას დაშორდა.
რამდენიმე თვეში ამას მოჰყვა გიგი გაჩეჩილაძისა და სალომეს დაშორება. არცთუ ისე დიდი ხნის შემდეგ კი გიორგი ვარდოსანიძისა და სალომეს სიყვარულის ამბავიც გაცხადდა. ეს ურთიერთობა საკმაოდ ხმაურიანი იყო, ალბათ წყვილისთვისაც არ იქნებოდა მარტივი კრიტიკოსთა ქარცეცხლის გაძლება, მაგრამ საბოლოოდ ოჯახი შექმნეს და ახლა ერთად ცხოვრობენ.
სულ ცოტა ხნის წინ კი გავიგე, რომ თამთაც შეყვარებულია და დაოჯახებას აპირებს. ამჟამად ის დანიშნულია გიორგი ხურცილავაზე და როგორც ფოტოებიდან ჩანს, წყვილი თავს ბედნიერად გრძნობს.
ამ თემის გამო მინდოდა თამთასთან დაკავშირება, მაგრამ მსახიობმა კომენტარის გაკეთებაც კი არ ისურვა.
დიჯეი ბუკლე
ჟურნალი ''რეიტინგი''
