კადრებზე ჩანს როგორ ცდილობს "ფოლკსვაგენ-პოლოს" მძღოლი გზაჯვარედინზე შუქნიშნის წითელ სიგნალზე დიდი სისწრაფით გავლას. შემდეგ ავტომობილი "ფოლკსვაგენ-პასატს" ეჯახება, დარტყმის შემდეგ კი "კიასა" და "ჰიუნდაის" ავტომობილებს აზიანებს.
ავტოსაგზაო შემთხვევის შედეგად თავად ავარიაში დამნაშავე დაშავდა. თავის ტრავმის დიაგნოზით მამაკაცი საავადმყოფოში გადაიყვანეს. მოგვიანებით კი კიდევ ორმა ავტოსაგზაო შემთხვევის მონაწილემ სამედიცინო დახმარებას მიმართა.
