- რესტორანში რომ ვისადილე და ანგარიში მომიტანეს, გავოცდი, ძალიან დიდი თანხა იყო, - დაიჩივლა სასულიერო პირმა, - მერე კი, როცა დავინტერესდი, რატომ ღირდა კერძები ასე ძვირი, რესტორნის თანამშრომლებმა ამიხსნეს, რომ თურმე ადამიანის ხორცი მიმირთმევია. მათი აზრით, ეს ეგზოტიკაა... მე მაშინვე გული ამერია.
სამართალდამცველებმა დაწესებულებაში რეიდი ჩაატარეს და აღმოაჩინეს სუფრასთან მისატანად გამზადებული ადამიანის შემწვარი თავები და ხორცით გამოტენილი მაცივარი.
სავარაუდოდ, რესტორანს „მასალას“ ტერორისტული დაჯგუფება „ბოკო ხარამი“ აწვდიდა, რომელიც ნიგერიაში ისლამური ხალიფატის შექმნისთვის იღწვის.
რესტორანი, სადაც სტუმრებს ადამიანის ხორცს აჭმევდნენ, ნიგერიელმა სამართალდამცავებმა გუშინ დახურეს. პოლიციამ რესტორანში ადამიანის ორი, ახლადმოჭრილი თავი აღმოაჩინა. რესტორნის თერთმეტკაციანი პერსონალი, მეპატრონის ჩათვლით, დააპატიმრეს. პოლიციელებმა რესტორანში რამდენიმე ავტომატიცა და მაჩეტეს მსგავსი ფორმის დანებიც აღმოაჩინეს.
როგორც გაირკვა, რესტორანში ადამიანის ხორცით ყველაზე ძვირადღირებულ კერძებს ამზადებდნენ. ბრიტანელმა პასტორმა, რომელსაც რამდენიმე დღის წინ რესტორანში ადამიანის ხორცით დამზადებული სტეიკით გაუმასპინძლდნენ, პოლიციას განუცხადა, რომ იგი მაღალმა ფასმა დააეჭვა:
"ერთ ულუფაში 25 ევრო რომ გადამახდევინეს, ძალიან გამიკვირდა. არც ვიცოდი, რომ კერძი, რომელშიც ამდენი ფული გადავიხადე, ადამიანის ხორცით იყო დამზადებული." - განაცხადა მან.
სპეციალურად „რეიტინგის“ საიტისთვის
