როცა გაზაფხულის მზე აქტიურდება და სამოსი სხეულზე ხალვათი ხდება, გვსურს, რომ კანი ბუნებრივი რუჯით გვიბზინავდეს.
მათთვის, ვისთვისაც კარგი რუჯის მიღება დიდ დროს მოითხოვს, ან უბრალოდ, არ შეიძლება გარუჯვა, არსებობს ბრონზატორები, რომლებიც ბუნებრივი რუჯის ფერს ანიჭებს კანს.
იმის მაგივრად, რომ პარფიუმერიის მაღაზიებში ეძებოთ საუკეთესოთა შორის საუკეთესო ბრონზატორი, გთავაზობთ გააკეთოთ ის საკუთარი ხელით!
გამოთქმა: "არ ღირს იმის სახეზე წასმა, რასაც არ შეჭამდით, ზუსტად შეესაბამება რეცეპტს, რომელსაც ახლა გთავაზობთ. დამატებითი ბონუსი: აქვს საოცარი არომატი!
თქვენ დაგჭირდებათ:
დაფქული დარიჩინი
დაფქული მუსკატის კაკალი
კაკაოს ფხვნილი
სიმინდის წმინდად დაფქული და გაცრილი ფქვილი
უბრალო ჰერმეტული კონტეინერი ან ქილა
მომზადების წესი:
აურიეთ ერთმანეთში ინგრედიენტები – დიახ, ეს ასე მარტივია!
თითოეული ინგრედიენტის დოზა თქვენთვის სასურველი ფერის მიღების მიხედვით ადომინირეთ. თუ საცხი ძალიან ღია გამოგივიდათ, დაუმატეთ კაკაოს ფხვნილი. თუ მეტი სიბზინვარე გსურთ, დაუმატეთ მეტი დარიჩინი.
როგორც კი ყველა ინგრედიენტს ერთმანეთში კარგად აურევთ, გადაიტანეთ ბრონზატორი მომზადებულ კონტეინერში.
კიდევ ერთი ბონუსი: თქვენი ხელით მომზადებულ ავტორუჯს არ აქვს შენახვის ვადა და პირობები – უბრალოდ, ჩაიგდეთ ჰერმეტულად დახურული კონტეინერი ან ქილა კოსმეტიკის ჩანთაში და ატარეთ თან და თქვენი კანი ყოველთვის საოცრად გარუჯული იქნება.
