22 ივლისს იურმალაში "ახალი ტალღა 2014"-ის გახსნის ცერემონია გაიმართება, 23 ივლისს კი მაყურებლის წინაშე კონკურსის მონაწილეები გამოვლენ. წელს კონკურსში ორი ქართველი იღებს მონაწილეობას: საქართველოს ნუცა ბუზალაძე წარადგენს, ხოლო რუსეთს - ნოდარ რევია. რევია, რომელიც ქართველმა მაყურებელმა რუსული Voice-ის მეორე სეზონის მონაწილის სტატუსით გაიცნო, სოლო-შემსრულებლად გამოდის კონკურსზე, მეორე საკონკურსო დღეს კი ის ლიდია ისააკთან ერთად ლეონიდ აგუტინის და ანჟელიკა ვარუმის სიმღერას შეასრულებს.
