ჟვანიას საქმის ექსპერტი გარდაცვლილი იპოვეს

ის ერთ-ერთი იყო, ვინც საქართველოს ყოფილ პრემიერ-მინისტრს, ზურაბ ჟვანიას ცხედარს ექსპერტიზა ჩაუტარა.

ზურაბ ჟვანიას საქმის კიდევ ერთი ექსპერტი მამუკა ჩხაიძე საკუთარ საცხოვრებელ სახლში გარდაცვლილი იპოვეს. გარდაცვალების ფაქტი „ნიუპოსტს“ შინაგან საქმეთა სამინისტროში დაუდასტურეს. შემთხვევა 10 ნოემბერს მოხდა.


ჩხაიძე ერთ-ერთი იყო, ვინც საქართველოს ყოფილ პრემიერ-მინისტრს, ზურაბ ჟვანიას ცხედარს ექსპერტიზა ჩაუტარა.

„ლიბერალის“ ინფორმაციით, ჩხაიძე გარდაცვლილი მისმა ძმიშვილმა იპოვა.

შსს-ს ინფორმაციით, „ჩხაიძე ბუნებრივი სიკვდილით გარდაიცვალა, მის ოჯახსაც არ აქვს პრეტენზია, ამიტომ ცხედრის ექსპერტიზა არ ჩატარებულა“.