„ნაციონალური მოძრაობის” წევრის გიგი წერეთელის მტკიცებით, ქვეყანაში ნარკოტიკების მომხმარებლთა რიცხვი იგივეა, უბრალოდ, ახლა სხვა ნარკოტიკულ საშუალებებს მოიხმარენ. ჯანდაცვის კომიტეტის თავმჯდომარე დიმიტრი ხუნდაძემ აღნიშნა, რომ ბოლო მონაცემებით, ქვეყანაში ნარკოტიკების მომხმარებელთა რიცხვი შემცირებულია.
კომიტეტის სხდომა პროტესტის ნიშნად დატოვა გიგი წერეთელმა და განაცხადა, რომ შემდგომ პარლამენტში დღევანდელი ხელისუფლების წარმომადგენლების ადგილას სხვა პოლიტიკური ძალის წარმომადგენლები იქნებიან.
გიგი წერეთელს სხდომათა დარბაზის დატოვების დროს საპარლამენტო უმრავლესობის წევრმა კარლო კოპალიანმა ჰკითხა – წინა ხელისუფლების დროს ნარკოტიკების მომხმარებლებში ხომ არ გულისხმობდა ყოფილ პრეზიდენტ მიხეილ სააკაშვილსაც.
