საბერძნეთში მცხოვრები ემიგრანტები საყდრისთან დაკავშირებით საქართველოს ხელისუფლებას და პატრიარქს მიმართავენ. განცხადება საბერძნეთიდან „რეპორტიორს“ გამოუგზავნეს, რომელსაც უცვლელად გთავაზობთ:
„საბერძნეთში მცხოვრები ქართველები მივმართავთ საქართველოს მთავრობას: პრემიერ მინისტრ ბ-ნ: ირაკლი ღარიბაშვილს, პარლამენტის თავჯდომარე ბ-ნ: დავით უსუფაშვილს, საქართველოს პრეზიდენტბ-ნ: გიორგი მარგველაშვილს, კულტურის მინისტრ ბ-ნ: გურამ ოდიშარიას, სრულიად საქართველოს კათალიკოს პატრიარქს უწმინდეს და უნეტარეს ილია მეორეს და ბ-ნ: ბიძინა ივანიშვილს შემდეგი
მოთხოვნებით:
1. საყდრის-ყაჩაღიანის უძველეს მაღაროს, აღუდგეს კულტურული ძეგლის სტატუსი და მოხდეს ქართველი და უცხოელი არქეოლოგების მიერ გაწეული 9 წლიანი შრომის შედეგების აღიარება.
2. შეწყვეტილ იქნას ყოველგვარი სამუშაოები კერძო კომპანია RMG(Gold)-ის მიერ საყდრის-ყაჩაღიანის უძველეს ოქროს მაღაროს ტერიტორიაზე.
3. დადგენილ იქნას კერძო კომპანიაRMG (Gold)-ის რეალური მფლობელი.
4. შესწავლილ იქნას ბოლნისის რაიონში, კერძოდ კაზრეთში შექმნილი ეკოლოგიური პრობლემები,“ - ნათქვამია განცხადებაში.
