ტელეკომპანია "ბორჯომი" შალვა აბულაძის დასაკავებლად მიმდინარე სპეცოპერაციის კადრებს ავრცელებს. ორი პოლიციელის მკვლელობაში ბრალდებულის დასაკავებლად ბორჯომში მიმდინარე სპეცოპერაციაში ჩართული იყო ვერტმფრენი, შსს ბორჯომის რაიონული განყოფილების სამმართველო და სპეცრაზმი.
არაოფიციალური ინფორმაციით, ბოლო 3 თვის განმავლობაში ორი პოლიციელის მკვლელობასა და ორი სამართალდამცველის დაჭრაში ბრალდებული შალვა აბულაძე ბორჯომში, ერთ-ერთ მიტოვებულ სახლში წუხელ დააკავეს. არსებული ინფორმაციით, დაკავებული ბორჯომიდან თბილისში უკვე გადმოჰყავთ.
